Tekstong Argumentatibo

BALANGKAS

Thesis Statement: Ang layunin ng paksang ito ay patungkol sa “bakit tayo naghihirap? dahil sa oposisyon na galit sa administrasyon o dahil sa administrasyon?”

Pamagat: Kahirapan ng pilipinas dahil sa administrasyon

I.                  Epekto ng kahirapan sa tao

A. Pagkukulang sa pagkain

B. Pagbaba ng ekonomiya

II.               Sanhi at Bunga ng kahirapan

A.   Mga sanhi ng kahirapan

1.Mababang antas ng edukasyon

2.Korapsyon

B.    Mga bunga ng kahirapan

1. Walang sapat na edukasyon

2. Kawalan ng mga pangunahing pangangailangan

III.           Solusyon upang malutas ang kahirapan

1.     Pagbibigay ng sapat na edukasyon

2.     Pagbibigay ng oportunidad na makapagtrabaho

Tekstong Argumentatibo

Tayo ay nasa modernong panahon ngayon kung saan halos lahat ng bagay ay may kaugnayan sa teknolohiya. Kung mapagmamasdan mo ang dami ng iba-ibang matataas na gusali, lalo na pag dumayo ka sa Maynila, kaliwa't kanan makakakita ka ng mga gusali na matatayog. Habang lumilipas ang panahon napagtanto mo ba na talaga bang tumataas ang ating ekonomiya? Mga kapwa mong Pilipino lahat ba ay namumuhay ng maginhawa? Nakakain ba lahat ng tatlong beses sa isang araw? Ilan lang yan sa katanungan na naiisip ko, sa kabilang ng mga nabanggit kong pag usbong ng pagtaas ng ating ekonomiya may mga tao pa din na patuloy namumuhay na mahirap at kung tawagin pa nga ay "isang kahig isang tukha”, sila ang mga kababayan natin na naghihirap. May mga ahensya naman ang ating bansa na tumutulong sa mga mahihirap, ngunit bakit ganun ang iba sakanila ay patuloy pa din na naghihirap? Dahil ba ito sa mga taong gahaman at may galit sa administrasyon o dahil na mismo sa administrasyon? Para sa akin ang mga sapat na benepisyo sa bawat isa ay dapat tamang maibigay lalo na sa mga mahihirap kong kababayan, labis akong nanlulumo sa tuwing nakakakita ng mga matatandang naghihirap o naghihikahos sa buhay. Halimbawa na lamang din ang mga magsasaka ang ilan sa kanila ay kayod kalabaw pero patuloy pa din na dinadaya ng ibang tao o ahensya ng adminstrasyon, sinasamantala nila ang mga magsasaka na mababa ang pinagaralan. Mga nasa mataas na posisyon ngunit ang iniisip lamang ay ang kanilang sariling kaginhawaan at kailanman hindi makabubuti sa ating bansa ang panglalamang sa kapwa. Pilit na kumakayod, nagtrabaho ng malinis, at may prinsipyo ang aking mga kababayan ngunit ano ang ginagawa ng mga kurakot na administrasyon. Nagnanakaw at ninanakaw ang pera ng bayan, napakabulok na sistema na dapat ay baguhin na.

Ang mga nagiging sanhi ng kahirapan una ay dahil sa korapsyon o pagnanakaw ng adminstrasyon na dapat ay napupunta at napakikinabangan ng taong bayan. Gaya ng impluwensya ng mga dayuhan dito sa bansa nadidiktahan ang gobyerno na kontrolin ang buhay ng mga tao lalo na ang mga taong salat sa kahirapan (Sandwich, 2019). Dahil sa mga tiwaling opisyal ng gobyerno hindi na nabibigyan ng sapat na atensyon ang mga mahihirap na tao. Sa halip na napupunta ito sa tamang kaukulan ang kabuuan ng pondong nakalaan para sa mga proyekto na pangtulong upang malutas ang lumalalang kahirapan at ibang problema dito sa bansa, ay ibinubulsa ito ng mga tiwaling opisyal ng gobyerno para sa kanilang sariling interes. Dahil rin sa korapsyon ang mga mahirap ay lalong naghihirap at ang mga mayaman ay lalong yumayaman (2022). Sumunod na sanhi ay dahil sa mababang antas ng edukasyon. Edukasyon talaga ang problema ng kahirapan at ang tangi makakapagayos ng problema sa edukasyon ay ang mga nasa administrasyon. Gawing para sa lahat ang edukasyon, disiplinahin ng tama ang mga bata at turuan ng magandang asal dahil dito maguugat ang lahat. Kung maayos ang pamamalakad ng lider sa bansa at nagiging mabuti halimbawa ito sa lahat, ito rin ang kanilang tutularan sabi nga ng marami, “kung maganda ang itatanim siguradong maganda rin ang aanihin” (J.Bena, 2020).

Dahil sa walang sapat na edukasyon nagbubunga ito ng kahirapan. Mahirap ang wala pinagaralan lalo na sa panahon ngayon sapagkat maraming tao ang nangmamaliit kapag wala ka napapatunayan o maipagmamalaki. May mga libre na paaralan ngayon ngunit ito ba ay para sa lahat o para sa iilan lamang? Kahit na libre ang pag-aaral ngayon may mga bata na mas pinipli na kumayod para matustusan ang kanila pangangailangan. Kinakailangan nila tumulong sa kani-kanilang mga pamilya upang may pagkain sila sa pang-araw araw. Kung kayat sinasabi nila na minsan hindi opsyon ang edukasyon sa nakakaarami. Sinasabi din na “Karapatan ang edukasyon pero sa mundo nating ito, isang daan at dalawamput isa (121) milyon na bata ang hindi nagaaral at dahil ito sa kahirapan” (Lazaro, 2010). Isa pa sa nagiging bunga ng kahirapan ay kawalan ng mga pangunahing pangangailangan kabilang dito ay ang mga kakulangan sa pera, kawalan ng maayos na tirahan, kawalan ng trabaho at iba pang nararanasan ng isang mahirap na tao. Ang kahirapan ay hindi ginusto o pinili ng isang mahirap. Walang magiging mahirap kung ang ating gobyerno ay tapat sa kanila serbisyo at tungkulin. Kung patas ang pagtrato ng mga opisyal sa mga taong bayan hindi na magiging problema ang kahirapan sa bansa ito (Kritik, 2020).  

Kaya para sa akin ang administrasyon na mismo ang dahilan kung bakit ang iba sa atin ay naghihirap at patuloy na naghihikahos sa buhay. Para masolusyunan ito magbigay ng sapat o libreng edukasyon para sa lahat dahil naniniwala ako na ito ang magiging pag-asa ng pilipinas upang umunlad. Kung ang lahat ay may sapat na edukasyon maaaring magkaroon tayo ng magandang trabaho na makakatulong para matustusan ang pang-araw araw natin pangangailangan. Kaya naman dapat magbigay ng sapat na edukasyon ang opisyal para sa lahat, mayaman man o mahirap maging patas. Isa pa na makakatulong upang masolusyunan ang kahirapan ay ang pagbibigay ng oportunidad na makapagtrabaho ang bawat mamamayan upang maslumago ang ekonomiya ng ating bansa. Wag natin baliwalain ang mga tao mahirap dahil ang bawat tao ay may kanya kanya kakayahan.

 

Mga Sanggunian:

M.A. Pascual. (2018). Ang Mga Sanhi ng Kahirapan sa Pilipinas. Ang Mga Sanhi ng Kahirapan sa Pilipinas | by Mary Andrei Pascual | Medium

Ang mga epekto ng kahirapan-Mga agham panlipunan-(2022). ANG MGA EPEKTO NG KAHIRAPAN - MGA AGHAM PANLIPUNAN - 2022 (fusedlearning.com)

J.Bena. (2020). MGA DAHILAN KUNG BAKIT - ✎ NAGHIHIRAP ANG PILIPINAS - Wattpad

H.S. (2019). Kahirapan ng Pilipinas. Kahirapan – Kahirapan ng Pilipinas (wordpress.com)

Sanhi ng kahirapan. (2022). Sanhi ng Kahirapan - Intro: Ang kahirapan ay tumutukoy sa kalagayan o katayuan ng isang tao na - StuDocu

Kritik. (2020). Ang problema sa kahirapan ay bunga ng sistema. ANG PROBLEMA SA KAHIRAPAN AY BUNGA NG SISTEMA – Kritik PH (wordpress.com)